H&M 遊記

星期六原先係去荷花睇野
上到去有牌子做 promotion 有 event
又嘈又煩
行o左三個字唔夠就閃
反正隔離就係H&M
又開o左咁耐都未去過
一於上去八o下...

一入門口
嘩...屌拿星唔洗錢呀?!
雖則掛住五折牌姐
不過睇兩睇就知係 selected item 啦
好笑在乜撚o野都有人有搶嫁o咼
見到有電梯上
即閃...上o左去避o左呢水人先啦!

地下同一樓係女裝
二樓係細路中童孕婦
咁行埋去慢慢睇啦
可能真係平同特價關係
十個款有八個款都係得 XS/ S
好努力搵緊有無中碼之際
聽到有兩個外藉孕婦傾談中
話成個星期先見到一兩件 L/ XL
真係難委佢地了
玩下手隨時係歐洲將 d S/XS 運晒o黎香港賣
L/XL/XXL 變o左 "香港限量版"

都有 d 收穫...再轉戰一樓
無乜野好睇
係內衣褲幾正
平過又靚過質地又好過馬莎
不過就...生完先再睇啦o下
搭 lift 落地牢男裝
幾好睇o咼又
都唔係呀伯呀叔款
玩完一輪就戰戰兢兢上地面o既女裝

如果 d sales 係唔會掉位的話
做地面果層應該係猜輸o左或者最高人工嫁啦
收銀執衫掛衫上架完全係無停
我無留意 fitting
都應該會死吧...
人就比入去果時少o左
不過依然係好多
拿拿臨上番二樓俾錢走人...

買野平日會幾好
sales 少...一層都唔知有無十個
無得玩 Giordano 式攻擊
"有 d 乜野幫到你?!" "埋鏡抨抨o咼..." "有好多隻色o咼..."
不過要幾好手力...無籃提供
Fitting 間房好大
見到有大肚婆就自動幫你打尖排第一
睇女的話就真係幾好
平日應該多 OL
六日就多竹星鬼妹
不過有一類人任何時候都多

咪又係自由行..........